Цртежи со мотиви од азиската култура на фасади од модерни јапонски куќи

Полската уметница Марија Умиевскаја ја најде својата инспирација во азиската култура користејќи ја својата љубопитност како катализатор за креативен проект.

Таа создава серија од дигитално обработени слики како еден пресек на архитектурата и уметноста, традиционалното и модерното, дигиталното и материјалното.

Скици на симболи и мотиви од древната кинеска, виетнамска и камбоџиска уметност се додадени на фасадите на врвни, современи јапонски домови.

Користејќи неколку објекти во типичен стил на куќи популарни во Јапонија, Умиевскаја ја визуелизира оваа идеја, создавајќи портрети, цветни мотиви и традиционална облека врз површините на објектите како да се рачно насликани.

Ефектот на мурал премостува две дисциплини и временски периоди заедно, создавајќи урбана интервенција врз современи објекти во Јапонија, но направени од нејзиното студио во Киев.