Целосно нов ненаселен град во Њу Мексико за тестирање на нови технологии

Во пуст дел на Ново Мексико, на површина од 24 километри квадратни, на есен ќе започне со градба нов „град“ кој ќе биде изграден со една цел – тестирање на нови технологии. Во него нема да живеат луѓе, но и покрај тоа тој ќе глуми вистински град. Ќе има улици, најразлични типови на згради, паркови, автопат, тесни улици и слично.

Идејата е да се тестираат најновите технологии на беспилотни летала, автономни возила, паметни електрични мрежи и сл., и притоа целосно да се елиминира ризикот да се повреди некој човек.

Цената за овој проект е почетни 550-660 милиони долари, но се очекува инвестицијата да достигне една милијарда долари до целосното завршување на градот планирано за 2018 година.