Casa LLM во Бразил, интензивен дијалог со топографијата и вегетацијата

Куќата Casa LLM во Sao Jose dos Campos, Бразил сместена е на локалитет со голем број автохтони дрвја кои требало да се зачуваат и просечен наклон на теренот од 30 отсто. Имплементацијата на проектот сугерира интензивен дијалог со постојната топографија и вегетација.

Со оглед на изградената површина од 1187,60 квадратни метри, предложена од клиентот и воедно неопходна за решавање на целата проектна програма, архитектите од бразилското проектантско биро Obra Arquitetos се обиделе да развијат проект каде што луѓето ќе можат да имаат директен контакт со очи и покрај тоа што се во различни опкружувања и на различни нивоа во куќата, со што се спречува изолацијата и се олеснуваат средбите на нејзините жители.

Casa LLM е распределена на четири нивоа и е решена така што заедничките простори, како што се, дневен престој, работа и готвење, имаат врска со поголемите глетки на пејзажот и поголемиот интензитет на светлината. Собите и поинтимните простори сместени се под крошните на дрвјата, формирајќи двор со стебла.

Куќата е проектирана во комбинирана конструкција. Потпорните и бочни sидови во армиран бетон, челични столбови и рамка, подигната над дрвјата.

Просторијата има распон од 24 метри, совладан со две челични греди со висина 1,50 метар. Еден од овие носачи го поддржува висечкиот мезанин. Оваа алтернатива била разгледана откако конструктивната анализа на сопствената тежина и оптоварувањето на гредите биле многу поголеми од оптоварувањето од мезанинот. Покрај тоа, конструкцијата создава и одлични големи и пријатна засенчени простори на долното ниво.