Брисел: Отворена „Канцеларија за енергетска транзиција на Западен Балкан“

На почетокот на месецов Европската Комисија во Брисел отвори „Канцеларија за енергетска транзиција на Западен Балкан“. Целта е да им се помогне на земјите во регионот во процесот на напуштање на производството на енергија од фосилни горива. Поддршката е неопходна бидејќи активностите во борбата за чиста енергија не с ениту едноставни ниту ефтини, а условени се од политичките одлуки. Европската унија има направено занчаен исчекор во енергетската транзиција – мнозинството членки ќе го исфрлат јагленост веќе до крајот на деценијата, а планот е до 2050 година Унијата во целост да заврши со процесот на декарбонизација.

Земјите од Западен Балкан веќе прифатија да го следат тој план, а бриселската канцеларија за енергетска транзиција токму затоа ја отвории својата „врата за поддршка“. Портпаролот за енергетика и климатска акција на ЕУ, вели дека ова е важен проект. „Во ЕУ работиме на постепено исфрлање на јагленот и поддршка на средините кои имаат рудници за јаглен, со цел да се префрлат на почисти извори на енергија, да најдат соодветни програми и да користат средства од фондовите на ЕУ и меѓународните финансиски институции, како и да усвојат стратегија за предониот период“, вели портпаролот Тим Мекфи.

Анализите покажуваат дека 16 термоцентрали на јаглен во Западен Балкан емитуваат дури 20 пати повеќе сулфур диоксид од просекот на Унијата.