Бетонска куќа во форма на детелина со три листа

Оваа зграда се карактеризира со бетонска конструкција која со својот изглед потсетува на бруталистички стил на градба. „Casa Trevo“ се наоѓа во пошумено подрачје во Португалија и зафаќа површина од 300 квадратни метри. Двоспратната куќа на кровот има вграден базен и три поплочени тераси во рамките на кои има отвори кои обезбедуваат продирање на сончевата светлина во внатрешноста на зградата. Бетонската конструкција е во форма на детелина со три лисја, по што го добила и името.

Куќата е изградена пред неколку месеци на песочна основа во борова шума. Внатрешноста е толку организирана што просториите се наоѓаат околу три кружни надворешни тераси. Големите отвори за дневната соба долу и спалните соби горе делуваат како продолжетоци на ентериерот и како светлосни тунели. Во долниот дел од зградата, околу централниот атриум, кој е исполнет со светлина, има соби кои вклучуваат трпезарија, дневна соба, бања и кујна. Горе има три спални соби со три бањи.

На кровот има базен, што е прилично видливо, особено ноќе поради инсталираното осветлување. Исто така има и тераса и соларни панели. До областа на кровот може да се стигне преку надворешни или внатрешни скали.