Азил за „напуштените“ билки во Љубљана

Две уметнички од Словенија, формирале непрофитно здружение за грижа на „напуштените“ билки, како и азил во кој заинтересираните можат да „усвојат“  украсни билки и цвеќиња, кои претходно биле исфрлени на улица од страна на цвеќарниците или сопствениците.

„Со својата акција сакаме да ги потсетиме луѓето дека ова се живи суштества на кои им треба нега и љубов“, велат младите академски сликарки Анамари Хруп и Ева Јера Ханжек, пишува словенечки “Dnevnik”.  Посетителите на нивното уточиште можат да ги разгледуваат билките, и евентуално да „усвојат“ некоја, при што потпишуваат договор дека ќе се гижат и редовно ќе ги заливаат. Хруп и Ханжек размислуваат за тоа да понудат сервис за нудење на услуга за грижа на билките по становите додека сопствениците се на одмор.