Австрија, Албанија и Косово – нови пазари за градежниците

Македонската градежна оператива во текот на 2014 година договорила градежни работи во странство во вкупна вредност од 6,364 милијарди денари, што е за 27,7 отсто повеќе во споредба со претходната година.

Оперативата лани во странство извршила градежни работи во вкупна вредност од 994 милиони денари што, пак, е за 48 отсто помалку во споредба со 2013 година.

Зголемен обем на извршените градежни работи има во Италија, Хрватска, Швајцарија и Србија, додека на другите пазари е регистриран намален обем.

Како нови пазари се јавуваат Косово, Австрија, Албанија и Црна Гора.