Археолошки парк Принципиј во стариот град на Риека

Стариот град на Риека претставува единствен споменик од периодот на доцна антика во самиот центар на градот. Станува збор за воено утврдување на римската Тарсатика. По систематските археолошки истражувања во 2007 година, откриени се многубројни објекти, добро сочувани од римското пристаниште на влезот на комплексот.

При најновото истражување отворена е четвртина од комплексот, ископан голем дел од камениот поплочен двор, дел од страничниот двор со столбови, четири странични простории со камени прагови и монуметален средишен објект, најверојатно остаток на базилика.

Со проектот е предвидено да се обликува и презентира непосредната околина и посебно рабните зони на археолошкото наоѓалиште. Со регулацијата на јасни комуникациски насоки и читање на просторни авторитети, се тежнее да се потенцира главната тема и археолошкото наоѓалиште.

Употребата на материјалите е зависна од местото, а технологијата, структурата и текстурата во зависност од карактерот и значењето. Интенцијата е да се привлечат минувачите и посетителите, на слоевите асоцијации и чувство на далечно тајно минато, со што локалитетот добива некоја метафизичка и духовна димензија. Автор на проектот е професор Ненад Фабијаниќ, дипломиран инженер архитект, кој го изработува со своите соработници на конкурс од 2008 година, а конечна реализација добива во 2014 година.