Насловна / Вести / Археолошки истражувања на локалитетот „Таламбасица“ кај селото Крушевица

Археолошки истражувања на локалитетот „Таламбасица“ кај селото Крушевица

таламбасица

Во  тек се заштитните археолошки истражувања на локалитетот „Таламбасица“ кој се наоѓа пет километри североисточно од селото Крушевица, Прилепско.

На овој локалитет се истражува тумул од периодот на преминот од бронзено во железно време, кој претставува солидно зачувана единица од шеесетината досега евидентирани примери од овој тип на подрачјето на општината Витолиште во мариовскиот крај.

Од планираните активности, досега се завршени  подготвителните активности при што е отстранета вегетацијата и откриени се камењата кои ја формираат хумката на тумулот со оградниот ѕид, односно венецот на конструкцијата каде што е забележан феноменот на специфично редење на камењата еден до друг со потесните страни нагоре.

Истражувањата на оваа локација ќе се одвиваат до септември 2015 година, а резултатите ќе бидат значаен придонес во дефинирањето на времето на металите во прилепскиот регион и насока за преземање натамошни истражувачки активности.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top