ЕУ и донираше на Србија 240 милиони евра за животна средина и енергетска ефикасност

Од претпристапните фондови на ЕУ, на Србија и се одобрени неповратни средства во износ од 240 милиони евра за проекти вредни вкупно 325,2 милиони евра. Тие инвестиции, наменети за период заклучно со 2023 година, одредени се за управување со отпад и отпадните води, зголемување на енергетската ефикасност и премин на обновливи извори на енергија.

Србија и Европската унија потпишале спогодба за финансирање на Повеќегодишната оперативна програма за животна средина и енергетика, вредна 325,2 милиони евра. Од тоа, 240 милиони евра неповратни средства од IPA фондовите, а остатокот го обезбедува Србија. Со наведениот механизам ќе управуваат државните институции, во индиректен систем на управување, кој е во согласност со начинот на кој државите членки на ЕУ ги спроведуваат програмите во склоп на кохезионите и фондовите наменети за регионален развој. Ова претставува уште еден начин за поддршка во пристапувањето на ЕУ.

Управувачки орган на програмата е Министерството за рударство и енергетика. Програмата ги опфаќа програмските години 2024 – 2027, и ќе се спроведува од 2025 до 2032 година. Се состои од 141,9 милиони евра за управување на отпадот и отпадните води и водовод, 140 милиони за квалитет на воздухот и енергетска ефикасност и 43,3 милиони евра за техничка поддршка.