Националниот музеј „Жолта река“ во Кина – мост помеѓу природата и цивилизацијата

Жолтата Река се смета за лулка на кинеската цивилизација. Националниот музеј „Жолта Река“, проектиран од архитектите von Gerkan, Marg and Partners (gmp) на северната периферија на Zhengzhou, го истражува не само културното значење на реката, туку и нејзината улога во обликувањето на пејзажот.

И новата зграда на музејот од 100.300 квадратни метри и околниот парк го следат меандрирачкиот тек на реката долга 5.000 километри, формирајќи физички и концептуален мост помеѓу природата и цивилизацијата – каде што архитектурата и пејзажот се спојуваат во едно.

Во срцето на Националниот културен парк „Жолта река“, новиот музеј се издига од крајбрежниот пејзаж во аеродинамична форма, поврзувајќи ги околните зелени површини во кохезивна целина.

Како продолжение на јавниот парк, зелениот покрив на Музејот води до 40 метри висока платформа за набљудување, која пружа погледи на Жолтата река на север и градот Zhengzhou на југ. Долж кривулестите патеки на покривот, исполнети со места за пикник, театар на отворено и изложбени простори, посетителите можат да ги истражуваат карактеристичните пејзажни средини на реката со нивната автохтона вегетација.

Полигоналната структура нежно се крева и спушта додека премостува воден тек во паркот. На местото на преминот се наоѓа скулптурален атриум кој го формира со светлина исполнетото срце на зградата. Овој централен простор може да се драматизира со каскадна водена завеса.

Фасадата на музејот од природен камен, со својот вертикален ритам и скулптурален релјеф, изградена е со користење на модуларен систем од префабрикувани елементи, а ритмичката текстура на фасадата е проектирана да го одразува текот на реката.

Додека јавните зони се испрекинати со елегантни вертикални прозорци кои пропуштаат природна светлина, изложбените простори се заштитени од директна светлина. Три големи прозорци на северната страна се референца на иконичните пештерски живеалишта на Жолтата река и врамуваат прекрасен поглед на пејзажот.

Под највисоката точка на зградата на јужната страна се наоѓа главниот влез, застаклен отвор кој како да е издлабен директно од масивниот волумен. Овој рез импресионира со својата облога од суптилно блескав жолт месинг по должината на фасадата и таванот, кој продолжува и внатре: закривени ѕидови што личат на еродирана карпа и нежно рефлектирачки жолтеникави тавани ги водат посетителите во музејот.