21. Меѓународен Симпозиум на Друштво на градежни конструктори на Македонија (ДГКМ)

Оваа година 21. Меѓународен Симпозиум на Друштвото на градежни конструктори на Македонија (ДГКМ) ќе се одржи на 24-27 септември, 2025 година, во Inex Olgica Hotel & Spa во Охрид.

Покрај останатите професии, и градежното конструкторство е сè повеќе изложено на влијанијата на Вештачката Интелигенција, Големите бази на податоци, брзата Сензорна и IoT технологија. Покрај придонесот во аналитичките капацитети, дигитализацијата овозможува автоматизација и на одредени градежни процеси, како употреба на роботи за 3D печатење на елементи и конструкции, дронови за инспекција со кои се зголемува продуктивноста, но и безбедноста на работните места.

Истражувајќи ги границите помеѓу реалните и виртуелни простори, не може а да не се запрашаме како овие нови технологии ќе ја реобликуваат нашата професија. Дали со информациските и BIM технологии, процесот на проектирање и градење ќе биде поефикасен? Колку ќе придонесе револуционерниот подем во следење на однесувањето на конструкциите за нивното одржување? Дали дигиталните близнаци ќе овозможат комплетно предвидувачки модели, олеснувајќи го процесот на издавање  дигитални градежни дозволи?

Дигиталната ера забрзано ги поместува границите на човечкото делување. За размена на најновите сознанија и искуства во оваа област Ве очекуваме на 21. ДГКМ Симпозиум на тема: Градежно конструкторство – без ограничувања. На симпозиумот ќе гостуваат следните светски експерти од областа со повикани предавања:

• Ioannis Brilakis, University of Cambridge, UK

Director of the Construction Information Tecnology Laboratory, President of the International Association for Automation and Robotics in Construction and Lead founder of the European Council on Computing in Construction

Topic: “Twin Systems“

• Albert de la Fuente, Universitat Politecnica de Catalunya, Spain

Founder of the Concrete Sustainability and Smart Structures (CS3) research group

Topic: “Sustainability of Smart 3D-printed concrete structures“

• Maria Pina Limongelli, Politecnico di Milano, Italy

Vice President of IABSE, Vice President of ISHMII, President of EVACES

Topic: “Digital Bridges: harnessing structural health monitoring for integrity management“

• еmeritus Eugen Brühwiler, Swiss Federal Institute of Technology Lausanne (EPFL), Switzerland

Dr Structural Engineer, ETH, IABSE, IABMAS, Bridging Consultant in Lussy VD Switzerland

Topic: “UHPFRC to improve existing and build new, sustainable bridges“

• José C. Matos, ISISE, University of Minho, Guimaraes, Portugal

Vice President of IABSE, Past President of EuroStruct, Coordinator of NORISK, Head of TMOB-HUB and RAmCI

Topic: “Implementing novel technologies towards the sustainable management of existing infrastructures“

• Jesper Pihl, Cowi, Denmark

Associate Technical Director, Head of Discipline for cable supported bridges

Topic: “Long span suspension bridges without limits“

• Helen Crowley, Secretary General of GEM (Global Earthquake Model)

Topic: “Engineering the future: how seismic risk models can build more resilient societies“

• Christoph Butenweg, FH Aachen University of Applied Sciences, Germany

Manager of SDA-engineering GmbH, Herzogenrath

Topic: “Innovative solutions and design for modern and sustainable masonry under seismic loads“

• Tomo Cerovšek, University of Ljubljana, Slovenia

Vice Head of Chair of Construction IT, Leading BIM Technology Transfer

Topic: “The digital transformation of Structural Engineering with BIM and AI”

Ќе бидат прифатени научни и стручни трудови од главната тема, но и од дополнителните теми во продолжение:

• Теориски и експериментални анализи на конструкции
• Современи методи за проектирање и изведба на конструкции
• Следење на состојбата, однесувањето и оштетувањата на објектите
• Одржување, поправка и зајакнување на објектите
• Доверливост и трајност на конструкциите
• Информациски и ВIM технологии во градежното конструкторство
• Современи материјали и технологии за одржлив развој
• Паметни згради и инфраструктурни објекти
• Дигитални близнаци и дигитални градежни дозволи
• Вештачка интелегенција и машинско учење во градежништво и архитектура.

Во рамки на Симпозиумот, ќе се одржи и интерактивна тркалезна маса на тема „Како дигитализацијата го реобликува градежниот сектор“.

На локацијата на која ќе се одржува симпозиумот ќе биде обезбеден специјален изложбен простор за спонзорите-поддржувачи на настанот. Повикот за спонзорство е продолжен и сеуште отворен и ќе претставува одлична можност за општествено одговорните компании во нашата држава и регионот пред околу 400 очекувани учесници, да ја претстават големината и успешноста на своите компании. Свеченото отворање е предвидено за 24.09.25г. (среда), со почеток во 17:00ч.

Подетални информации околу повиканите предавачи, пакетите на спонзорство, регистрација за учество (краен рок 20.08.25г.), инструкции за подготовка на научните и стручните трудови, прелиминарната програма како и роковите за поднесување на целосни трудови (краен рок 30.06.25г.) може да се најдат на веб страната на ДГКМ: http://mase.gf.ukim.edu.mk и на LinkedIn или да се добијат на e-mail: [email protected].

Проф. д-р Дарко Наков, Претседател на ДГКМ