Денес во Музејот на современа уметност ќе се одржат јавните презентации за два Детални урбанистички планови

Денес во Музејот на современа уметност ќе се одржат јавните презентации на два Дeтални урбанистички планови, од кои зависи зачувувањето на културниот идентитет и важен дел од белите дробови на Скопје:

• Презентацијата на ДУП ЦС 01-Француски гробишта, Тетовска трошарина и Парк 2 е со почеток од 10 часот.
• Презентацијата на ДУП ЦС 14-Кале и СРЦ Кале е со почеток од 13 часот.

Општина Центар, информира дека предлог деталните урбанистички планови се изложени во читалната „Славко Јаневски“ на улица „Димитрие Чуповски“ бр.23, секој работен ден од 8:00 до 16:00 часот од 20.07.2022 до 16.09.2022 година каде сите заинтересирани можат проактивно да се вклучат со свои забелешки, преку доставување анкетни листови по писмен и електронски пат во наведениот рок.