Китовите се загадени со микропластика

Новото истражување на WWF (World Wide Fund for Nature), кое вклучува и обдукција на китови од Средоземно море, покажува алармантна количина на микропластика пронајдена во самите животни. Стручњаците ги разгледувале примероците 100 морски цицачи (3 вида китови), а резултатите од ова истражување индицираат висок степен на пластично загадување. Имено, се работи за висок степен на загаденост на китовите со фталати, што е една од компонентите на пластиката, и се смета за токсична за луѓето и животните.

Како што е соопштено, секојдневно во океаните завршува количина од 4,8 до 12,7 метрички тони пластика, од која 93% е потрошувачки отпад. Околу 290.000 тони пластичен отпад лебди по океаните и морињата, а се состои од 5.000 милијарди честички. Под влијание на Сонцето и брановите, пластиката се распаѓа на помали честички чие распаѓање пак, трае и по неколку стотици години. Средоземното море се класифицира како шесто најголемо подрачје за акумулација на пластичен отпад на планетата со просечна концентрацоја од 115.000 честички микроплатика на километар квадратен морска површина.