Зграда во Данска трансформирана во вистинска градска убавица

Зградата Orsted Gardens Apartments, во данскиот град Frederiksberg, е вистински пример во кој реновирањето е доведено на ново ниво, подобрувајќи ја не само зградата, туку и социјалното опкружување како за станарите така и за гостите на зградата.

Архитектонското биро Tegnestuen LOKAL успеа да ја трансформира трошната зграда, за која неретко се говорело дека е најгрдата зграда во соседството, во вистинска градска убавица со динамична фасада.

Имено, зградата е изградена во 60-тите години на врвот на фасцинацијата со реализмот, индустријализацијата и ефикасноста на градежната индустрија во Данска. Гледано од дистанца, може да се каже дека зградата била елегантна, но крута и дека навистина не го добила својот шарм со текот годините, велат архитектите за ArchDaily.

Радикалната трансформација на зградата произлегла од една вообичаена обнова на фасада, чија примарна цел била да се спречи водата да ги оштети постојните бетонски балкони. Наместо само да ги затворат балконите со стаклени фасадни панели, Orsted Gardens добија нов простор за дружење, кој ќе ја зајакне социјализацијата на луѓето во зградата.

Дрво и стакло

Со цел да добијат дополнителнителните поменати социјални простори, архитектите додадале низ триаголни стаклени елементи на фасадата, со што се добиени балкони кои, гледано однадвор, прават зградата значително да добие на динамичност и естетска.

Новите балкони се поставени од надворешната страна на пристапниот хол, што овие простори ги прави воедно и приватни и заеднички, и ги поттикнуваат станарите да се собираат и да се дружат.

Флексибилни простори

Стаклените панели на фасадите можат да се поместуваат по потреба, и овие простори можат да бидат и од отворен и од затворен карактер, што овозможува употреба на балконите и кога е времето поладно, а станарите се дополнително и звучно изолирани од прометната улица.

Сега заедничката влезна врата е отворена и децата можат слободно да се движат во новиот флексибилен простор, кој станал многу пожив во споредба со поранешната темна и безлична пристапна зона.

Централниот аспект на реновирањето била желбата зградата во иднина позитивно да придонесе на доживувањето на улицата, па некогашната монотона целина на уличната фасада „разбиена“ е на помали геометриски делови, со што е обезбедено чувство на ритам.

Како дополнителна погодност, станарите добиле педесет мали градини кои влијаат на социјалниот живот, но исто така и на екологијата, бидејќи сега секој има мал агол каде може да засади растенија или зеленчук.