Насловна / Арт и дизајн / Во Вашингтон е отворен Музеј на зборови и јазици

Во Вашингтон е отворен Музеј на зборови и јазици

Новиот музеј наречен „Planet Word“ е посветен на моќта на зборовите и јазикот, без разлика дали се во јавно обраќање или во личен опис на самиот себе.

Интерактивните изложби ги охрабруваат посетителите да се обидат да читаат познати говори користејќи телепромптер или да пеат легендарни песни во стилот на караоке за да почувствуваат зошто зборовите одекнуваат кај луѓето.

muzej

Ѕидот со зборови висок 6,7 метри исто така ја раскажува приказната за англискиот јазик, додека во друга соба, посетителите од сите возрасти преку видео серии можат да учат други јазици и она што ги прави уникатни.

Отворањето на музејот доцни со месеци, откако беше одложено во пролетта поради пандемијата на коронавирусот. Влезот е бесплатен, иако од посетителите се бара да закажат состаноци како дел од здравствените правила.

Мисијата на музејот „Planet Word“, основана од филантропот Ен Фридман, “е да ја обнови и поттикне љубовта кон зборовите, јазикот и читањето како основа на силна модерна демократија“, се вели во соопштението.

Музејот се наоѓа во историската школа Френклин, каде американскиот пронаоѓач Александар Греам Бел го извршил својот прв успешен безжичен пренос на глас со помош на „фотофон“, пренесува Hina.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top