Во Санкт Петербург се гради златна четврт

Проектот наречен Златен градски блок, чиј проект е потпишан од компаниите „Orange Architects“ и „KCAP“, е во фаза на изградба и ќе се наоѓа на брегот на Финскиот Залив во Санкт Петербург.

Проектот е дел од новиот урбанистички план за островот Василиевски, а кулите од блокот 6, како и блоковите 7 и 8, веќе се во изградба. Инспирирани од морфологијата и структурата на Санкт Петербург, урбаните блокови се формирани со затворени градини и дворови и интересни фасади. Како најинтересен, но и најдоминантен дел од проектот се секако златните кули што ја водат зградата од правоаголната основа до триаголните завршни делови на објектот. Завршувањето на кулите е изработено во злато со образец кој потсетува на јајцата Фаберж, што на овие станбени и деловни блокови им дава експресивен и препознатлив карактер.

Темата за отворен простор реализирана низ дворовите и зелените предели во блокот 7, е создадена од традицијата на замоците во Санкт Петербург.

Сепак, оваа конфигурација на изградената конструкција нуди и заштита од ветерот што доаѓа од морето. Блокот 7, кој е во фаза на изградба, се состои од самостоен шесткатен објект што носи три кули од 17 ката и има два двора, од кои едниот е затворен, а другиот е отворен и ориентиран кон југ. Зградата има и едно подземно ниво, а покрај приземјето, резервирано за трговски објекти, другите пет се станбени, пишува ArchDaily.

Новиот блок, со вкупна површина од 15 хектари, ќе стане нов препознатлив дел од градот и лицето на градот што ќе може прво да се види при влегување од море.