Во индиската држава Sikkim шишиња од бамбус за несовесни туристи

Државата Sikkim во Индија,  прави шишиња за вода од бамбус за повеќекратна употреба со цел да ги охрабри туристите да престанат со фрлање ѓубре.

Индиската држава Sikkim неодамна објави дека може да стане првата 100 отсто сертифицирана органска држава во светот.

Исто така оваа држава прва во Индија забранила употреба на пластични шишиња за вода и останата пластика за еднократна употреба, уште пред 20 години.

Како што растела популарноста на Sikkim, како еко-туристичка дестинација, така се зголемувал и бројот на пластични шишиња со вода кои ги оставале туристите.

Овој хималајски рај за да остане недопрен, државата бара од туристите да ги остават своите пластични шишиња на граница и да ги заменат со шишиња за повеќекратна употреба кои се достапни во продавниците.

Опциите за повеќекратна употреба сега вклучуваат и шишиња за вода од бамбус, кои се произведени од локален жител. Цената на овој производ е помеѓу три и пет американски долари, шишињата се биоразградливи во случај да се фрлат или изгубат.

Шишињата се затвараат со плута, прицврстена на капаче од бамбус.

Градот Lachen, кој се наоѓа на надморска висина од 2,750 метри, купил 1000 шишиња кои се употребиле на годишниот тибетански новогодишен фестивал одржан во февруари.