Насловна / Архитектура / Во Индија е најголемата и најскапата куќа во светот

Во Индија е најголемата и најскапата куќа во светот

Висока 27 катови и вредна две милијарди американски долари, Антилија е неверојатен дом изграден за најбогатиот човек во Индија, Мукеш Амбани и неговото четиричлено семејство. Сместен е во јужниот дел на Мумбаи, во една од најскапите населби во светот.

Indija

Наречен по митскиот остров во Атлантскиот Океан, Антилија е со причина наредена со титулите на најголема и најскапа приватна куќа во светот затоа што опфаќа 37.161 квадратни метри корисен простор на 27 спрата.

Оваа неверојатна зграда е дизајнирана од наградуваната архитектура фирма Перкинс и Вил, со седиште во Чикаго, додека изведувач беше Лејтон холдингс со седиште во Австралија. Куќатае дизајнирана да издржи земјотрес од осум степени според Рихтеровата скала, а градежните работи на куќата беа завршени во 2010 година.

Indija4

Сместено на една од најскапите адреси во светот – улицата Алтамунт, куќата на Мукеш Амбани вреди скоро две милијарди долари, а само Бакингамската палата е поскапа.

Куќата е висока 167 метри и се карактеризира со многу необична форма. Она што е поинакво од стандардниот солитер е големата висина на катовите, што е двојно поголема од висината во станбените згради, така што наместо 60 ката што е просечен број во згради од таа висина, куќата има „само“ 27. На покривот на куќата има хелиодром за да може да слетаат дури три хеликоптери, а просториите за контрола на летот се еден кат подолу.

Indija1

Потоа е главниот станбен дел од куќата, а под него се катовите за членовите на семејството. Куќата располага и со базен, спа, кино со 50 места, отворени градини, а има и апартмани за гости.

На дното на зградата се наоѓа шесткатна гаража во која може да се сместат повеќе од 200 автомобили, а скоро 170 места се резервирани за приватната колекција на семејството Амбани.

За одржување на оваа куќа на дневна основа вработени се 600 лица.

Indija2

Indija3

Indija5

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top