Насловна / Вести / Викендов граѓани организирано ќе го чистат Водно

Викендов граѓани организирано ќе го чистат Водно

Граѓани организирано викендов ќе го чистат Водно од насобраниот отпад.

Организаторите на акцијата велат: „Овој настан се одржува поради една причина која треба да не засега сите нас а тоа е загадената природа на прекрасната планина Водно.

Целта на настанот е да покажеме дека сѐ уште има совесни граѓани на кои им значи природата да остане чиста и кои се грижат за тоа да се оствари.

Секој кој што ќе биде слободен на 30 август (недела) е повеќе од добредојден да се приклучи. Сѐ што треба да направите е да се појавите на Средно Водно во 09:00 часот (или на врвот на Водно во 11:00 часот) и да сакате да помогнете во чистењето на нашето Водно.

Ние ќе обезбедиме ракавици и ќеси за отпадоци за сите учесници.

Почетна точка ќе биде Средно Водно кај летниковците, а по средување на околината на Средно Водно секој ќе може да тргне по некоја од патеките кои водат на врвот и да собере ѓубре по пат. На крај се наоѓаме сите на врв и правиме една групна чистка каква што заслужува Водно.

Поради ситуацијата со COVID-19 на настанот ќе се почитуваат и применуваат сите мерки за заштита од вирусот.

Нашето мото е: Не барајте човек за пример, бидете еден!“

вод_resize

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top