Насловна / Вести / Уредување на постоечкото и новото зеленило во Карпош 4

Уредување на постоечкото и новото зеленило во Карпош 4

Во Општина Карпош се уредува зелениот агол меѓу улицата Љубљанска и булевар Партизански одреди. На површина од 5.300 метри квадратни, се поставува нова тревна површина, украсни грмушки и растенија, со цел да се зголеми и оплемени зеленилото во овој дел од Општината.

karpos1

За одржување на постоечкото и новото зеленило, ќе се постави и нов систем за наводнување. Изведбените активности за уредување на овој јавен простор се предвидуваа да траат 30 дена во зависност од временските услови, информираат од Општината.

Оттаму додаваат дека оваа акција за зголемување на зеленилото ја спроведува ЈП „Паркови и зеленило“, а е во рамки на акцијата за уредување на повеќе јавни површини на пофреквентни локации. Исто така, локалната самоуправа иницираше да бидат дислоцирани и времените објекти (трафиките) кои се наоѓаат во оваа близина.

“Во изминатиот период се постави и нов зелен појас на потегот долж булеварот 8 Септември. Овие активности за уредување на повеќе запуштени јавни површини беа најавени на почетокот на месец април, а претставуваат и стратешка определба на Општината, во борбата за заштита на животната средина и надоместување на изгубеното зеленило“, се додава во соопштението.

karpos

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top