Урбанизирани делови од индустриската зона

Советниците од општина Ѓорче Петров изгласаа нови урбанистички планови предвидени за урбаниот дел во општината, кои значајно ќе придонесат за видоизменет лик на дел од Ѓорче Петров и ќе овозможат побрз развој на лесната, незагадувачка индустрија во индустриските зони, информираат од општината.

– Тие се предвидени со новите детални урбанистички планови за градска четврт С3 08 и градска четврт С3 18, и беа изложени на јавна анкета, а граѓаните имаа можност да извршат увид во истите и да даваат сугестии и предлози за дополнување на предлог-плановите, кои Советот ги стави на гласање и ги изгласа, појаснуваат општинарите.

Со новите урбанистички планови се предвидува изградба на објекти за колективи и индивидуално домување, училишта, градинки, детски игралишта, паркови, трговски центри Дом за стари лица и други содржини кои видно ќе го подобрат урбаното живеење, но и ќе се овозможат нови вработувања на младите од општината.

На седницата беше донесен и општ акт за Ново село за утврдување на услови за градење со што им се овоможува на граѓаните непречено да градат.