Училиште во близина на Барселона со централен двор

Училиштето проектирано од архитектонското студио BAAS од Барселона, сместено е на периферијата на градот во областа Roses, која сеуште се развива. Изградено е во 2017 година на површина од 3340 метри квадратни.

Објектот претставува чист волумен со внатрешен двор кој е заштитен од северните ветрови. Дворот е централен елемент за социјалниот живот на учениците.

Проектантите ја искористиле топографијата на теренот, објектот го следи падот на теренот со што се избегнати и скапи градежни работи. Волуменот на училиштето се потпира на горната, постоечка платформа и лежи над пониското ниво за да се создаде трем и простор за спортски терени.