Столица од филм со Џемс Бонд со нов живот

Столицата која се прослави во филмот со Џемс Бонд  „Шпионот кој ме сакаше“ (The Spy Who Loved Me), а која е дело на данскиот дизајнер Verner Panton, доби нов живот…

Pantonova Linear

Данскиот бренд Montana повторно го претстави системот за седење Pantonova, кој беше наменет за „лошото момче“ – Karl Stromberg од поменатиот фил. Овој систем е претставен на саемот во Милано Salone del Mobile.

Филмското деби на столицата го зацементира нејзиниот статус на икона на данскиот дизајн на мебел. Столицата Pantonova има интересни карактеристики, од кои една е заоблениот рам, направен од свиткан челик. Постојат три различни верзии, кои можат да бидат групирани за да формираат интересни геометриски форми, вклучувајќи кругови, бранови и Ѕ форма.

Linear е модел на седење кое најмногу потсеќа на типична форма на столица со нежно заоблен наслон и удобно седиште.

Pantonova Linear

Pantonova Convex

Convex е сличен на Linear моделот, со поакцентирана форма, која создава посилни облини, додека , Concave обратен модел, со наслон и седиште кои се виткаат кон напред, наместо назад.

Pantonova Concave

Столиците се достапни со два финиша во форма на природен хром или лакирана варијанта, а перничињата се достапни во верзија од кожа, кадифе или ткаенина со осум варијанти на бои.