Соларни „самоодржливи модули“ во различни сценарија

Архитектонското биро Cannata Fernandes Architects, осмисли решение на самоодржливи модули кои можат да најдат примена во различни сценарија, како: центар за посетители во природен резерват, соблекувална на плажа или сместување во случај на непогода.

Овој елегантен, модерен префабрикуван објект може да биде користен во комбинација со постојната инфраструктура или може во целост да биде слободностоечки, а негоавата намена може да биде повеќеструка – од привремено сместување, опсерваторија, противпожарен пункт, бар или мала продавница.

Самоодржливите модули се наменети за локации кои е тешко да се изменат и да се додадат постојани инфраструктури, физички невозможни или економски неизводливи. Тој доаѓа во комплет со вградени темели, конструкција, вода, канализација и електричен систем. Може да биде склопен во фабрика и транспортиран било каде со помош на камион или хеликоптер.

Единицата е навистина самоодржлива, бидејќи доаѓа со сопствен извор на енергија со 20 фотонапонски панели и сет на соларни батерии кои можат да траат и до три дена. Таа доаѓа опремена со тоалет и мала кујна, како и со резервоар од 500 литри кои држат вода за три дена. Модулот дури и не мора да се приклучи на канализациски систем бидејќи има одвод на вода и канализација среден преку вакуум систем. Самоодржливиот модул доаѓа со опција  за загревање на вода и греење во ладни климатски услови.