3D принтан лустер кој се напојува со енергијата од ветар

Маргит Красојевиќ го дизајнира овој иновативен лустер кој во целост ја користи предноста на 3D принтањето.

Користејќи софтвер за симулација на воздушниот тунел, Маргит дојде до фракталниот модел кој најдобро се однесува во реални услови-односно најефикасно ја користи енергијата на ветрот.

Добиениот модел се принта на 3D принтер, по централната оска се вртат LED сијаличките и се добива лустер кој не троши електрична енергија од мрежата.

Овој лустер е многу практичен, може да се постави на балкон, тераса но и на места на таванот каде постои движење на ветар. Во случај да нема ветар, лустерот е опремен со еден вид на кондензатор кој ја складира енергијата на ветрот.