Насловна / Архитектура / San Simón Cabins, прибежиште во природа во Мексико

San Simón Cabins, прибежиште во природа во Мексико

San Simón Cabins се бунгалови сместени во шума на околу 20 минути од езерото во Valle de Bravo, Мексико. Проектот се состои од пет волумени распоредени на земјиште со површина од 5.000 квадратни метри, со цел да се прилагоди на опсежната архитектонска програма, со најмалку влијание врз постојната вегетација на местото.

10_resize

Со таа цел, наместо голема интервенција на локацијата, која би барала сечење на дрвјата, различните бунгалови се движат помеѓу празнините кои природно постојат меѓу дрвјата, истовремено интегрирајќи ги во архитектурата.

1_resize 2_resize

Проектот изработен од мексичкото архитектонско биро Weber Arquitectos е бунгалови за одмор. Четири за гости и главна куќа во која е сместен домот на клиентот го сочинуваат ова извонредно место за одмор и релаксација. Сите објекти се орјентирани така што е овозможено да се искористи целата предност на природната светлина, а воедно и да се добие неверојатен поглед кон шумата. Покрај тоа, секој бунгалов има своја пространа тераса, а сите бањи имаат внатрешен поплочан двор со вегетација. Волуменски бањите се разликуваат од просториите со помала висина и се врамени со решетки од дрво, кои ја филтрираат светлината и даваат приватност.

12_resize

Доминантни материјали се вулкански камен, кој ги покрива ѕидовите во контраст со локалните борови греди кои ја формираат структурата. Ентериерот на ова викенд прибежиште е споен со архитектурата, со цел создавање топла атмосфера, со јасни линии и современи детали.

5_resize 23_resize

Мебелот и сите декоративни елементи се избрани и дизајнирани од бирото земајќи го во предвид шумското опкружување, давајќи природен изглед преку белото дабово дрво, избрано да се комбинира со останатите завршни елементи. Палетата на бои во целина е многу трезвена и силна, отсликана и на фасадата и во ентериерот.

7_resize 4_resize 3_resize 11_resize 21_resize 22_resize 25_resize 16_resize 13_resize 8_resize 9_resize 26_resize 27_resize 28_resize

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top