САД ја повикуваат централна Европа да ја напушти енергетската политика на ЕУ

Министерот за енергетка на САД, Крис Рајт, ги повика земјите на централна Европа да ја напуштат официјалната енерегетска и климатска политика на ЕУ и да се придружат на неговата земја во водење на политика на „тимска енергетска слобода“.

Патот на САД, објаснил тој, прeферира енергија со цел просперитет на човекот, а сето тоа ќе води до економски раст. Тој нагласил дека климатскиот алармизам ја намалил енергетската слобода, како и просперитетот и националната безбедност ширум Европа. Критикувајќи го она што самиот го нарекол „диктат од горе надолу“, Рајт смета дека е создаден скап и недоверлив енергетски систем кој „ја брка“ индустријата и економската активност надвор од националните граници и ја прави енергијата поскапа за граѓаните.

Инаку, Трамп и неговата администрација од почетокот на мандатот значајно ја променија енергетската и климатска политика на САД. Земјата се повлече од Парискиот договор, а суспендирана е и изградбата на голем број офшор ветерни паркови. Рајт подвлекол и дека декарбонизацијата најверојатно ќе трае со генерации, а дека природниот гас и нуклеарната енергија се климатското решение за наредните децении, бидејќи даваат резултати.