Рекорден раст на јаглерод диоксидот: Какви последици се очекуваат?

Нивоата нa јаглерод диоксид во атмосферата пораснале до рекордни нивоа, односно достигнале нови највисоки вредности во 2024 година. Со тоа, Планетата дополнително е „заклучена“ на долгорочен пораст на температурите, се вели во новиот извештај на Светската метеоролошка организација (WMO). Стапките на раст на јаглерод диоксидот тројно се зголемиле од 1960-тите години. Околу половина од вкупно емитуваниот јаглероден диоксид секоја година останува во атмосферата, додека остатокот го апсорбираат копнените екосистеми и океани. Но, ова складирање не е трајно. Како глобалната температура расте, океаните апсорбираат помалку јаглерод диоксид. Копнените понори (шуми и сл.) исто така стануваат помалку ефикасни, бидејќи сушите и другите последици од климатските промени ја намалуваат нивната способност за апсорпција на јаглерод диоксид.

Главната причина за рекорниот пораст на јаглерод диоксидот во периодот од 2023 до 2024 година, била големиот удел на шумските пожари и намаленото впивање на јаглерод диоксидот од страна на копното и океаните во текот на 2024 година, најтоплата година откако се вршат мерењата. Концентрациите на метан и сулфурните оксиди исто така достигнале рекордни вредности. WMO објавила Годишен билтен за гасовите со ефект на стаклена градина со цел да обезбеди информации за претстојната Конференција на ОН за климатски промени (COP 30) која во ноември се одржува во Бразил.