Продавницата за накит во Русија која ве носи во мистериозниот свет на среброто

Руското биро за проектирање на ентериери „Микеланџело Дизајн Студио“, предводено од Татјана Маковијчук, неодамна ја заврши продавницата за накит ACSY лоцирана во Чељабинск, Русија.

Дизајнерката изјавила: „Што може да биде помистериозно од сјајот на среброто“?

И вели дека среброто не е само убав метал со пријатен сјај на Месечина, каков некогаш можел да се види во парчињата накит. Вели дека исто така, прикрива многу тајни зад атрактивниот сјај.

Концептот на продавницата се заснова на „Легендата за сребрената планина“, што се одразило на композицијата на ентериерот со лебдење во просторот на искосени површини. Ова нагласување не е случајна конструктивна одлука. Овој акцент не е само точка на привлекување на очите на посетителите, туку и функционално го дели просторот во две зони.

„Карпите на сребрената планина“ се претставени во форма на врамени, полирани површини со природни честички од сребро, што истовремено ја покажува моќта и леснотијата на материјалите.

Загорената површина на пултовите потсетува на потеклото на рударството на сребро. Според легендата, токму изгореното дрво помогнало да се открие парче сребро стопено од рудата.

Неправилните форми на решетки на плафонот ги претставува облаците, криејќи ги врвовите на планините каде се пробиваат зраците на светлината, рефлектирајќи се на огледалните површини на мебелот.

Секој кој ќе го посети ова место ќе може да нурне во мистериозниот свет на среброто.