Преносни фотоволтаици во ролни

Интересните идеи не мора секогаш да бидат револуционерни. Одличен пример за ова доаѓа од компанијата “WAACS” и се однесува на фотоволтаиците. Еден од најголемите проблеми кај искористувањето на соларната енергија за производство на електрична е токму големината и обликот на фотоволтаиците. Фотоволтаиците од компанијата “WAACS” се исклучително флексибилни и може да се завиткаат во ролни со димензии нешто поголеми од запалка.

Куќиштето на уредот е направено од рециклиран алуминиум. Свитливите соларни ќелии се поставени на лента, која се извлекува од куќиштето по потреба. Се разбира, во случајов се работи за исклучително скромна инсталирана моќност, но сосема доволна за полнење на мобилен телефон и слично.

Идеално доколку немате пристап до електричната мрежа, но во секој случај одржлив концепт. Излезот од уредот е USB, така што без проблем може да се полнат повеќе видови гаџети.