Предложени мерки за подобрување на енергетската ефикасност во ЕУ

Европскиот парламент усвои амбициозни цели за енергетска ефикасност, првенствено намалување на потрошувачката на енергија во ЕУ од 11,7% до 2030 година (споредено со 2020 година). Се очекува тоа да резултира во намалување на емисиите на CO2 и ублажување на годишниот товар од увозот на енергија од 330 милијарди евра. Согласно овие нови мерки, се очекува земјите членки да мораат да ја намалат потрошувачката на енергија за 1,5% годишно, што прогресивно ќе се зголеми до 1,9% во 2030 година.

Зградите во ЕУ, кои се одговорни за 40% од потрошувачката на енергија и 36% од емисиите на стакленички гасови, се во фокусот на овие нови цели. Плановите предвидуваат климатски неутрален градежен сектор до 2050. Фокусот е исто така и на системите за греење и ладење, кои сочинуваат околу 80% од вкупната потрошувачка на енергија во домаќинствата. Вториот клучен предлог е задолжителното вградување на соларни технологии во новите згради, поточно комерцијалните згради до 2028, додека станбените згради најдоцна до 2032 година.