Насловна / Вести / Пет совети како да ги заштитите растенијата од топлина

Пет совети како да ги заштитите растенијата од топлина

Летните температури и силното сонце можат да претставуваат опасност за растенијата во вашата градина и да го загрозат нивниот понатамошен раст. Сепак, со неколку трикови и совети, вашите цвеќиња и растенија полесно ќе ја издржат топлината, а дворот ќе остане беспрекорно уреден во текот на целото лето.

0_resize

Боја на саксиите

Ако чувате цвеќиња во саксии, водете грижа тие да бидат светла боја. Се чини тривијално, но помага. Светлите саксии ја одбиваат сончевата светлина и апсорбираат помалку топлина, додека темните побрзо се загреваат и ја сушат земјата во саксиите.

1_resize

Полевање

Редовно полевање е неопходно за растенијата да напредуваат, но полевањето во погрешно време може да им наштети на растенијата. Затоа е најдобро да се полеваат во одредено време – рано наутро кога сонцето е слабо или доцна навечер кога нема опасност од сончевите зраци да ги изгорат.

2_resize

Ѓубриво со калиум

Калиумот е еден од најважните макроелементи во исхраната на растенијата бидејќи, меѓу другото, влијае на земањето вода од земјата и задржувањето на водата во растителното ткиво. Бидејќи калиумот во многу мал процент се наоѓа во земјата, пожелно е да се додаде во саксиите калиумско ѓубриво.

k_resize

Кора од бор

Ставете парчиња кора од бор во саксиите: кората од четинари задржува вода, така што почвата ќе се исуши побавно и растенијата ќе имаат подолго пристап до вода.

4_resize

Обезбедете им сенка на растенијата

Ако не го зедовте предвид движењето на Сонцето и изложеноста на растенијата на неговите зраци при планирањето на градината, сенка за чувствителните растенија можете да направите подоцна. Користете мрежи за засенчување или ставете друга лесна ткаенина што ќе ги ублажи сончевите зраци и ќе спречи сушење на растенијата.

6_resize

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top