Од стара трамвајската станица до живописен парк

Од прекинувањето на трамвајската линија, појасот долг 800 метри во центарот на Торино е целосно занемарен. Со цел да се искористи поранешната трамвајска станица и околината, непрофитното здружение Torino Stratosferica го претвориле запуштениот појас во живописен парк. Првично, тој служел како привремен јавен простор погоден за социјално дистанцирана забава.

Веста за новиот парк, кој обезбедува дополнителен простор за дружење на отворено за време на пандемијата од коронавирусот, брзо се проширила низ Торино, што ја сменила одлуката на градската влада за привремен статус.

Привремениот парк наречен Преколина, по населбата во областа, стана постојана градска зелена површина со урбана опрема за собирање луѓе. Не само што паркот сега се користи како простор за рекреација, туку и таму се одржани бројни мини концерти, предавања и изложби.

Трамвајската линија е изградена во осумдесеттите години од минатиот век, но била затворена откако градот набавил подолги вагони кои тешко функционирале на постојните платформи. На крајот сите трамваи биле заменети, но линијата никогаш не се вратила на оваа рута.

Паркот е отворен во јуни 2020 година и е опремен со дрвени седишта, клупи од светло жолта палета, саксии за цвеќе, а трамвајската станица стана трибина за организирање настани. На влезот е поставен жолт контејнер кој служи како информативна кабина. Со проектот, исто така, направено е уредување и засадување дрвја, што ја обезбедува многу потребната сенка во летните месеци.

Повеќе од 700 граѓани учествувале во процесот на развој и имплементација на проектот, а преку 2.500 евра биле собрани преку кампања за финансирање. Сега кога паркот е постојан, закажани се бројни изложби и работилници, а граѓаните се горди на проектот, кој е вистински магнет за жителите на овој град на крајниот запад на Италија.