„Ноќниот цвет“ награден со европска награда за дизајн (видео)

На извонредната колекција на светилки Nightbloom, дизајнирана од холандскиот дизајнер Marcel Wanders, еден од најистакнатите ентериеристи во Европа, доелена и е престижна награда.

Проектот кој го реализирале Marcel Wanders и шпанската компанија Lladró награден е со Платинеста награда на овогодинешното издание на „European Product Design Awards” во категорија производи за ентериер и расвета.

Ова значајно европско натпреварување се одржува секоја година и ги препознава најдобрите проекти во сферата на дизајнот на производи во повеќе категории.

„Nightbloom” (Ноќен цвет) е името на најновата колекција на светлечки тела која опфаќа лустери, подна, столна и ѕидна светилка. Деликатните светилки се изработени од бел порцелан, а нивниот заводлив дизајн си поигрува со светлината и сенките и внесува убавина во секоја просторија.

Овој проект ја поттикнува уметноста на занаетчиството, кое се фокусира на квалитетот и посветеноста на деталите.
Колекцијата „Nightbloom” е инспирирана од цвеќиња и од начинот на кој нивните нежни ливчиња се наведнуваат на ветрот. Секој 3Д сегмент на „Ноќниот цвет“ е рачно изработен и не се повторува во рамки на една светилка. На тој начин се се имитира убавината на природата, во која сè е уникатно.