Нереален хотел на Северниот пол

Ако сакате да ја гледате поларната светлина од топла хотелска соба, тоа можете да го направите директно од Северниот пол уште од минатата година, благодарение на хотелот кој е отворен во најсеверната точка на светот.

Привремениот хотел е отворен во 2020 година во најсеверната точка на светот, и нуди уникатно искуство на сите авантуристи. Хотелот „Северен пол Иглус“ располага со десет стаклени куполи каде гостите можат да ја поминат ноќта под ѕвездите во ледениот центар на Арктичкиот океан.

“Северниот пол е една од најексклузивните дестинации во светот со години, но таму нема убаво и пријатно сместување“, објаснува Јане Хонканен, сопственичка на туристичката агенција „Луксузна акција“ која стои зад овој амбициозен потфат.

Сепак, ова уникатно искуство ќе ви го олесни буџетот за околу 100 илјади евра и вклучува две ноќи на островот Свалбард, летови до и од Северниот пол, потоа лет со хеликоптер до хотелот и една ноќ на Полот.

Северниот пол е недостапен во поголемиот дел од годината, но може да се стигне со хеликоптер или брод во април и јуни. За една година, само илјада луѓе го прават ова патување, а во исто време треба да носат опрема со себе и да ги издржат тешките временски услови во шаторите.

Затоа, топлите стаклени куќи со тоалет се вистински контраст со сегашните услови со кои се соочуваат авантуристите. На самото место има и менаџер, водич и безбедност чии услуги се вклучени во хотелската понуда.

Наместо да биде фиксиран на едно место, поларниот хотел ќе се премести во најбезбедните области со промена на времето. Куполите ќе бидат лоцирани на Полот во текот на април, додека другите 11 месеци ќе бидат лоцирани на архипелагот Свалбард, на половина пат меѓу Норвешка и Северниот пол.