Наскоро паркот пред Архитектонски факултет ќе се отвори за сите граѓани

Наскоро се планира паркот пред зградата во која се сместени Архитектонски и Градежен факултет да се отвори за сите граѓани, особено за студентите и корисниците на библиотеката „Браќа Миладиновци“, а и да се одржува.
За таа цел Градот Скопје денеска потпиша меморандум за соработка со Архитектонски факултет и со Градежен факултет во кој Градот се обврзува целосно да го оплемени просторот, односно да го уреди паркот, а факултетите да го одржуваат.