Најголемиот стаклен базен е во Лондон

За некои, лулањето во стаклена кутија на висина 35 метри над улиците на Лондон е кошмар, а за други, тоа е ултимативен статусен симбол.

Sky Pool е транспарентен базен, долг 14 метри, распнат помеѓу две станбени кули високи 10 ката во четвртта Nine Elms во југозападен Лондон, а ќе биде отворен само за среќните жители на овие објекти и ќе работи 24 часа.

Станива збор за најголема самостојна структура на акрилни базени во светот со што е прикажан и новиот развој на Embassy Gardens на компанијата EcoWorld Ballymore. Просторот околу базенот ќе вклучува барови, ресторани и продавници.

Сместени покрај американската амбасада и блску до јужниот брег на Темза, капачите ќе можат да имаат поглед на лондонскиот хоризонтот, вклучително и на London Eye и Westminster.

Базенот е произведен во Колорадо, САД и поминал околу 8.000 километри до својот нов дом, длабок е 3.2 метри и само водата, тежи околу 375 тони.

Структурата е дело на архитектите од Arup Associates, инженерите од Eckersley O’Callaghan и проектантите на аквариум Reynolds. Arup се познати за сложените архитектонски предизвици – еден од нивните позначајни проекти е Операта во Сиднеј.

Базенот поминал опсежни испитувања на притисок во фабриката Reynolds пред да патува за Велика Британија по море. Потоа е подигнат со кран од 750 тони, поддржан со кран од 50 тони.

„Подигнувањето беше прецизен процес, бидејќи дозволената толеранција изнесуваше само 30 сантиметри при инсталирање на базенот во неговата челична рамка“, велат од Ballymore.

„По серија технички цртежи и анализи на однесувањето, одлучено е за димензиите на базенот“, велат од Embassy Gardens.