Можете да го превземете конкурсот за локацијата на фабриката Треска

Идејата за уредување на локацијата на фабрика „Треска“ по пат на конкурс беше иницирана по предлогот на Граѓанската иницијатива со барање за распишување на Архитектонско урбанистички конкурс, а доставен до Општина Центар на 17.01.2020 година од предлагачот Даница Павловска, дипл.инж.арх., и поддржан од повеќе професори, архитекти, членови на Асоцијацијата на архитекти на Македонија, Академијата на архитекти, Комората на овластени архитекти, како и граѓанските здруженија „Здравје пред профит во Центар“, „О2 коалиција“ и „Транспарентност Македонија“.

Спроведувањето на конкурс за оваа локација е во согласност со заложбите на Општина Центар за унапредување на урбанистичкото планирање и водење сметка за јавниот интерес.

Конкурс за изработка на идејно решение за локацијата на фабриката Треска (блок 6 во важечка планска документација Изменување и дополнување на Детален урбанистички план Буњаковец 2, плански период 2011-2016, со површина 30.69 ха, можете да го превземете тука.

Конкурсот е јавен и анонимен, право на учество имаат сите заинтересирани (физички и/или правни лица) со обврска минимум еден од тимот да е носител на овластување за изработување на урбанистички планови.