Мал стан во Прага oд само 27 квадратни метри, но убав и функционален

Мал стан oд само 27 квадратни метри, има одличен распоред и многу стил. Светлите бои ја формираат основата на дизајнот, што визуелно создава впечаток на поголем простор.

Станот е мал, но функционален, удобен и убав, а се наоѓа во стара зграда во варшавската четврт во  Прага и барал темелно реновирање. Требало да се трансформира во удобен и пријатен простор за живеење.

Целта на реновирањето била да се зголеми функционалноста и да се максимизира искористувањето на просторот за да се добие што е можно повеќе простор за складирање. Сопственикот исто така сакал ентериерот да биде модерен и светол, но да има и бои.

Архитектите од бирото Beige Architecture создале модерен и пријатен дом кој има сè што е потребно за секојдневниот живот и покрај малиот број квадратни метри. Овој стан е исто така одличен пример за тоа како 27 квадратни метри можат да бидат убаво и удобно опремени.

Адаптацијата вклучувала рушење на ѕидовите, што овозможило проширување на површината на станот. Гардероберот што била дел од централната просторија е отстранет, како и целиот постоечки мебел. Сега кујната, која се наоѓа во мала ниша во ходникот, е отворена кон остатокот од просторот, бидејќи вратата е отстранета. Исто така, вратата што го делела ходникот од собата е отстранета, па просторот сега изгледа поголем.

Кујната е целосно функционална и нуди многу простор за складирање. Има едноставни, модерни ормари и фиоки, како и машина за перење која е преместена од бањата.

Дневната соба служи и како трпезарија и како спална соба, бидејќи има софа и со функција за спиење. Остатокот од просторијата се состои од плакари и полици. И покрај заедничкиот, отворен простор, дархитектите успеале да создадат простор за сè. Акцентниот ѕид се издвојува во овој простор, украсен со тапети што додава динамика и длабочина на ентериерот.

Ентериерот е уреден во модерен стил. Светлите бои ја формираат основата на дизајнот, визуелно проширувајќи го просторот, а оживеани се со похрабри, поживи детали. Мебелот има заоблени форми, што му дава лесен изглед и не ги оптоварува малите простори.