Мал функционален стан со сиви тонови и елементи во зелено

При внатрешното уредување на станови со мала квадратура, еден од најважните аспекти е правилниот избор на мебел и негова соодветна димензија во однос на просторот. Истовремено, изборот на бои зазема голем удел во визуелното доживување на самиот простор.

Овој апартман во Киев од Yana Osipenko, од само 50 метри квадратни, е решен минималистички со користење на сиви тонови и додавање на елементи во зелено. Спалната просторија и работното биро се сместени заедно, покриени со подвижен панел кој се поставува во однос на тоа кој простор се користи, што придонесува за поголема функционалност на целиот ентериер.