Насловна / Архитектура / Луксузен хотел во Ровињ на бирото 3LHD

Луксузен хотел во Ровињ на бирото 3LHD

Adris grup во туристичката зона Monte Mulini во Ровињ изградила хотел со пет ѕвезди чива изградба чинела 90 милиони евра.

1

По проект на загребското архитектонско биро 3LHD, изграден е Grand Park Hotel во Ровињ кој стана трибина за една од најубавите сцени на Јадранското море.

11

Секој кат на хотелот е поместен и го следи падот на теренот со што се создадени тераси со големи површини, медитерански градини, водени површини, базени и простори за сончање. Гостите во кое место и да се наоѓаат во хотелот добиваат впечаток дека претстојуваат во парк со поглед на Ровињ, Св. Еуфемија, островото Св. Катерина и најубавите залези на сонцето во ова убаво место на Истра.

6

14

Grand Park Hotel со категоризација пет ѕвезди е дел на Maistra Collection брендот, кој обединува хотели од највисока категорија.

12

Единствената локација и специфичната конфигурација на теренот инспирирале каскаден тип на градба и реализација на 10 илјади квадрати зелен кров, па хотелот е речиси стопен со околното зеленило. На шест ката распоредени се 193 соби и 16 апартмани со вкупен капацитет од 500 гости.

13
Покрај погледот на море и градот, сите соби имаат пространи тераси со зелени градини, а 53 соби имаат и помали хидромасажни базени т.н. plunge pool. Собите се со површина од 40, а апартманите и до 175 квадратни метри.

16
Интересно е дека базените, влезното лоби и рецепцијата, рестораните и конгресните сали се сместени на највисоките катови, а собите на пониските нивоа.

17

Италијански потпис во ентериерот
Внатрешното уредување го потпишува миланското студио на Pier Lissoni – Lissoni Architecture. Работата на Lissoni е позната по минимализмот, при што особено внимание се посветува на деталите и изборот на материјалите.

15

Инспирирани од Медитеранот во дизајнот се користени претежно природни материјали, како разни видови камен и дрво. Во ходниците преовладуваат потемни сини, а во собите посветли бои, односно сиви, беж и земјани тонови.

9

10

Grand Park Hotel Rovinj има најголем и најлуксузен spa&wellnes центар на Истра. Àlbaro Spa&Wellness се простира на 3.800 квадратни метри внатрешен и надворешен простор на две нивоа, вклучувајќи го и просторот со три надворешни базени на врвот на објектот.

3

Тука се и три сауни, две парни простории со посебни ароматични програми, два помали ладни базена и простор за туширање.

7

Иако Grand Park Hotel Rovinj првите гости ги прими овие денови, свеченото отварање на луксузната зона Monte Mulini и новиот хотел ќе биде кон крајот на мај, кога под покровителство на Adris grup, ќе се одржи Adris 44 Cup.

8

Име на проектот: Grand Park Hotel Rovinj

Проектирање: 2015-2016
Изградба: 2016-2019
Локација: Хрватска, Ровињ Hrvatska, Rovinj, Ul. Ivana Matetića Ronjgova 11
Површина на локација: 35.341 m²
Бруто површина: 29.927 m²
Нето површина: 16.340 m²
Надморска висина: 4.80 m
Инвеститор: Maistra d.d.
Автор: 3LHD

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top