Порта3 – градежништво, архитектура и екологија Порта3 – градежништво, архитектура и екологија
Презентираниот проект „Jali Hotel and Residences“, потпишан од бирото „Oppenheim Architecture“ од Базел, прикажува луксузен комплекс кој се состои од хармонични згради, како и разни надворешни објекти што ќе се градат на југот на Албанија во градот Јала. Посетителите, како и локалното население, ќе можат да уживаат на отворениот плоштад, рекреативните објекти, како и живописниот клуб за плажа.
Архитектите на проектот првично го набљудувале и детално го проучувале локалното архитектонско наследство и духот на Албанија, со цел да се создаде безвременски комплекс на планираната локација, пишуваат архитектите за ArchDaily.
Ова резултираше со реинтерпретација на традиционалните албански крајбрежни куќи, организирани како групирани објекти со околни широки отворени заеднички области, како и масовна употреба на локални материјали.
Интегрираниот јавен културен центар им нуди на гостите на комплексот, како и локалните жители, простор за дружење, пазарење и место каде што можат да уживаат во специјалитетите на локалната кујна.
Дополнителни погодности се дизајнирани во форма на спа центар, фитнес сала, казино и клуб на плажа, а гостите ќе можат да уживаат во бунгалови на плажа, како и луксузни хотелски апартмани или приватни вили.
Комплексот се состои од густо изградени згради со хотел кој има 120 соби, 30 хотелски апартмани, 52 приватни апартмани и има 40 приватни вили за оние кои сакаат максимална приватност.
Ова одморалиште не е првиот проект од „Oppenheim Architecture“ кој е длабоко инспириран од локацијата. Ова биро, кое има канцеларии и во Њујорк и во Мајами, ги има проектираное и AylaGolf Academy и Clubhouse во јорданскиот град Акаба во 2019 година, црпејќи инспирација од природните песоци и планини во блиската пустина, како и од архитектонското наследство на древните бедуини.
Хотелот со површина од 1.200 квадратни метри се наоѓа на локација од 44 квадратни километри, со различни капацитети во центарот на теренот за голф со 18 дупки.
Проектот „Jali Hotel and Residences“ е во завршна фаза, а изградбата се очекува да почне кон крајот на оваа година. Одморалиштето ќе биде отворено за сезоната 2023/24.
