Луксуз на минималистички начин: Хотел во најегзотичниот дел од светот

Првиот имот на Риц-Карлтон на Малдивите е еден од најимпресивните проекти на приватни одморалишта на островот во последно време.

Малдивите имаат репутација на ексклузивна, ултра луксузна дестинација, а овој хотел доста добро се вклопува. Цените се исто толку екстравагантни како и вилите над вода. Сместен во најегзотичниот дел на светот, The Ritz-Carlton Maldives има минималистички пристап кон луксузот. Трите острови во одморалиштето и надводниот кеј служат како основа за откривање на се што може да понуди архипелагот, а најдоброто нешто во целата приказна е фактот што овој хотел е оддалечен околу 45 минути од главниот град Мале со брз траект.

Сепак, иако е сосема јасно дека ова е луксузно и уникатно одморалиште, атмосферата во хотелот Риц Карлтон е непретенциозна и речиси сите се во лежерна облека, иако за некои вечери на плажа би можеле да се носат и свечена гардероба.

Има 100 вили на плажа и над водата, а сите имаат фантастичен поглед на океанот. Само вилите со една спална соба имаат нетипичен кружен дизајн, додека вилите со две и три спални имаат прави рабови. Секоја соба има голем базен, внатрешен и надворешен туш, када и минибар опремен со десерти и врвни пијалоци. Најдобрите карактеристики во вилите со една спална соба се панорамските прозорци од подот до таванот кои можат целосно да исчезнат и да ви овозможат да се споите со егзотичната природа, дозволувајќи и на водата во лагуната да стане звучна основа за капење или мирен сон.

Суптилните допири на островскиот живот се исто така златни теписи во облик на корали, кревети од ратан и бројни минималистички, но луксузни акценти кои го прават престојот на ова место уникатно искуство.

Гостите можат да изберат меѓу сместување над вода или вила сместена во залив на плажа. Оваа втора варијанта овозможува директен пристап до беспрекорните плажи со бел песок на островот, а вилите над водата, кои се распоредени во овална форма за да го претстават текот на островскиот живот, го опкружуваат епскиот спа центар лоциран над тиркизната лагуна. Сите пространи капацитети на одморалиштето имаат пространи палуби за сонце и бесконечни базени со поглед на вода, совршени за уживање во сонцето.