Куќата Loft RLO во Бразил која ја прифаќа природата

Бразилското архитектонско биро ME Arquitetura е проектант на резиденција која ги брише границите помеѓу затворениот и отворениот простор во Бразил.

Наречена Loft RLO, куќата од 350 квадратни метри замислена е како павилјон кој има живот неразделно поврзан со живеење на отворено.

Еднокатната резиденција со дарежливи пропорции, со само еден апартман, една бања и две полубањи, го вреднува заедничкото живеење, заматувајќи ги линиите кои ги одделуваат надворешните од затворените простори.

Проектот го истражува односот помеѓу завземениот простор и празнините, од влезната патека до стаклените врати кои целосно се отвораат и исчезнуваат во sидовите. Ова создава еден голем простор за живеење од трпезарија, кујна, трем и базен. Употребата на природни материјали, како што се дрвото freijó и травертин мермер, ја нагласуваат врската со градината и езерото.

Намалената палета на материјали, исто така отстапува место на силните геометрии. Отворената кујната од абонос внесува трезвеност во проектот.

Стаклени врати од подот до плафонот со црни рамки, целосно се отвораат во облогата зад кујната, овозможувајќи да се создаде единствен простор. Понатаму, плафонот се протега на големи распони, а столбовите се вградени во ѕидовите.

Гардероберот е во иста просторија со голема бања, со туш кој се отвора кон зеленило. Проектот се обидува да ја внесе природа и да создаде силна врска со надворешноста.

Loft RLO е со правоаголна форма, со подолгата страна свртена кон езерото, овозможувајќи да се доживеат неверојатни погледи од сите точки. Мебелот е целосно изработен од проектантите и ја одразува палетата на бои и материјали применети во архитектурата.