Насловна / Архитектура / Конусна зграда: Архитектура прилагодена на променлива клима

Конусна зграда: Архитектура прилагодена на променлива клима

Десеткатницата, висока 31,45 метри, содржи 15 стана и два двокатни мезонети со приватни базени и тераси, трпезарија и забава на покривот.

Со желба да се вклопи во околината и на тој начин да му се оддаде почит на архитектонскиот пејсаж на локацијата, кој во голема мера останува непроменет речиси три децении, овој станбен објект пред се се карактеризира со необичен проект.

zgrada

Сместена покрај морскиот брег во Бурли Хедс – предградие на Голд Коуст, шестиот по големина град во Австралија – зградата Норфолк е најновата локална атракција, пишува Designboom.

Архитектите од Koichi Takada Architects ја проектирале зградата како серија брановидни панели преклопени еден врз друг, со цел стратешки да обезбедат сенка на просторите под панелите.

Инспирирана од начинот на кој шишарката ги штити своите семиња, нанесена е лизгачка решетка, која нуди и приватност и заштита од временските услови.

zgrada1

Плочите од секое ниво се протегаат над застаклените вертикални површини, формирајќи пространи тераси. Заоблените панели заедно со дрвените елементи на фасадата го нагласуваат органскиот дизајн на зградата.

Оваа десеткатна зграда содржи петнаесет стана и два двокатни мезонети со приватни базени и тераси за јадење и забава на покривот.

zgrada2

Во областа на приземјето се сместени јавни објекти, како што се теретана, базен и сауна, а од овие области може да се ужива и во отворениот поглед на брегот и океанот.

Фокусот на проектот е да се организира просторот така што ќе ги „фати“ погледите на околината, а сето тоа со употреба на чисти форми и природни материјали.

Станбените единици свртени кон север имаат поглед на океанот од 180 степени, додека секој стан има природна вентилација и соодветна сончева светлина.

zgrada3

Материјалноста на зградата се заснова на околниот пејзаж и нијансите и текстурите на песок, вода, дрвја и небо.

Дрвените подови во становите се визуелно поврзани со материјалот со надворешните простори, а можно е и проширување на внатрешниот простор за живеење до балконите.

zgrada4

“Прилагодливата архитектура на Норфолк реагира на променливата клима и крајбрежната средина која постојано се развива, а со проектирање на лизгачки дрвени паравани, ја зголемивме природната мекост на формата и обезбедивме поголема флексибилност за секој стан“, велат од Koichi Takada Architects.

zgrada5

zgrada6

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top