Kohler претстави паметна када од 16.000 долари

Компанијата Kohler претстави нова паметна када која ќе ја претвори вашата бања во луксузен спа центар дома.

Црпејќи инспирација од јапонското капење во шума или шинрин-јокуа, Kohler кадата е дизајнирана да создаде импресивно искуство што ќе помогне „да се опушти умот, да го смири телото и да го обнови духот“, велат од компанијата. Кадата е со минималистичка надворешност со основа опкружена со Hinoki дрвена решетка. Со други зборови, работи и изгледа како када што може да се најдете во спа центар од светска класа.

Stillness Bath е во понудата како самостојна када, но верзијата Stillness Infinity Experience може да се пофали со најдобри карактеристики. Stillness Infinity Experience започнува со полнење со вода од дното на кадата и преливање на дрвото Hinoki, создавајќи смирувачки звук. Потоа, можете да го прилагодите расположението со хромотерапија благодарение на осветлувањето со целосен спектар што ја опкружува кадата. После тоа, магла ја обвива површината на купката.

Можете дури и да додадете есенцијални масла кои нежно испуштаат смирувачки ароми со програма за ароматерапија. Со технологијата PerfectFill, се што ви треба е глас и намера да активирате било која од понудените можности за врвно велнес искуство токму во удобноста на вашиот дом. Гласовно активирање работи преку апликација или преку вашиот глас. Од полнење на кадата до поставување на точното ниво на водата и температурата за вашата омилена бања, сè што ви треба е да го кажете зборот.

Накратко, од полнење вода до испуштање, вашиот паметен телефон целосно ги контролира сите задоволства. Не треба да изненадува што луксузот е паметен кога доаѓа со висока цена. Основниот модел се очекува да се продава по цена од 8.000 долари, а Stillness Infinity Experience 15.998 долари. Kohler откри дека луксузната када ќе биде достапна за онлајн нарачки до крајот на март 2022 година.