Joaquin Torres, архитектот на Кристијано Роналдо

Шпанското архитектонско биро A-cero на чело со архитектот Joaquin Torres е главен избор на фудбалските ѕвезди на Реал Мадрид за кои A-cero ги проектирал најголем дел од нивните куќи, вклучувајќи ги и на доскорешениот тренер Зинадин Зидан и најголемата фудбалска ѕвезда Кристијано Роналдо.

Куќата на Роналдо е сместена на периферијата на Мадрид во луксузната населба La Finca. Објектот на прв поглед јасно ги покажува своите намери, доминација на стилизирани криви и смели форми кои хармонично се вклопуваат во природен контекст истовремено нагласувајќи модерен карактер.

Хоризонталните форми се наддаваат една на друга, создавајќи градба која изгледа како да се појавила од земја, додека фасадите се третирани со текстуриран темен бетон.

Внатрешностана на куќата има разновидна и богата содржина. Решена е со многу сложени простори со различни висини и нивоа, како и посебна форма на некои од собите. Пониското ниво е покриено со закривен таван кој ги истакнува, дневниот боравок и трпезариите, спалните, фитнес салите, внатрешениот базен, кујната и сервис просториите.

На горното ниво се наоѓа сликарско студио, под долг свиен покрив, преплавено со природна светлина и најдобри погледи на околниот пејзаж.

Подрумот е посветен на здравјето и слободното време, содржи бар, соба за игри, студио, соба за масажа, соба за проекција, визба и фитнес.
Просторите се ослободени од столбови и други елементи кои би ја намалиле нејзината флуидноста на просторот и отвореност.