Хидролошки парк во Кина со културолошки и рекреативни содржини

Градежните потфати во Кина не само што се исклучителни, туку и ги поместуваат границите во градежништвото и архитектурата. Токму таков е овој воден проект на 6.746 квадратни метри, кој го потпишува архитектонското бирото DnA. Покрај тоа што е насочен на управувањето со водените ресурси, овој центар е всушност парк кој пружа културолошки и рекреативни содржини.

Кинеската река Сонгјинг е најважен воден ресур во истоимената област, па така низ историјата околу оваа река се формирале голем број објекти насочени на управувањето со водите за да се елиминираат проблемите со поплавилте или сушите, но и за да се обезбеди вода за наводнување на плодните ниви. Така Water Conservancy Center прво бил планиран како регионален центар за уредување на водите, меѓутоа 2016. година се дошло до идејата дека овој хидролошки парк би можел да има и музејски карактер.

Архитектите од кинеското проектантско биро DnA програмот на центарот го прилагодиле со отварање на внатрешните функции – надзорни дворани, архиви и кантини – за јавност, пишува ArchDaily. Оддеднаш објект од водостопанството станал атрактивен простор кој мами погледи на минувачите, но и на струката.

Формите на објектот се дефинирани со програмата, зградите кои се отворени за јавност се со лачен облик, додека сервисните блокови се линеарни.

Амфитеатар на вода

Централниот лачен објект во форма на амфитеатар наменет е за организирање на активности на отворено, а завршува со кровни градини и тераси кои пружаат прекрасен поглед на околината.

Ваквото обликување на објектот дало одреден карактер на внатрешниот простор, во однос на формата и организација на природното осветлување.

Карактеристика на центарот се и водени дворови, кои континуирано се сменуваат со објектите и пешачките прелази.

Крајната цел на проектот е Water Conservancy Center да стане урбан центар за граѓаните на руралните населби, овозможувајќи им место каде можат да се сретнат, но и нешто да научат и да се забават.