Насловна / Архитектура / Хибридна дрвено-бетонска кула во Берлин

Хибридна дрвено-бетонска кула во Берлин

Дрвена кула наречена „WoHo“, дизајнирана од компанијата Mad arkitekter, победи на меѓународен архитектонски натпревар со своето решение за изградба на хибридна зграда. Проектот во моментов е во фаза на планирање и ако сè оди според планираното, реализацијата се очекува за пет години.

berlin

Оваа висококатница ќе се состои од хибридна конструкција изработена од дрво и бетон, која треба да достигне висина од 98 метри, па кога ќе биде изградена, ќе ја надмине највисоката дрвена кула во светот, Мјерсторнет. Станува збор за кула за мешана употреба, така што во неа ќе има станбени и деловни простории, планирано е да се гради во областа Кројцберг, лоцирана во Берлин. Природната убавина на дрвото ќе биде ставена во преден план, и кога станува збор за надворешноста и внатрешноста. Фасадата ќе се карактеризира со големи прозорци во комбинација со зеленило.

berlin1

Во прилог на главната кула од 29 ката, проектот ги опфаќа околните долни згради од ист материјал и иста форма. Тие ќе имаат хибридна конструкција и стаклена фасада со додавање на зеленило. „WoHo“ ќе зафаќа површина од 18 илјади квадратни метри и во рамките на него најголем дел ќе бидат станови од кои одреден број социјални станови и флексибилни простории кои ќе бидат прилагодени на потребите на заедницата.

berlin2

На долните катови ќе бидат сместени пекари, кафулиња, разни видови продавници, работилници, детски градинки и многу повеќе. На врвот ќе има јавно достапна кровна градина со бар и сауна, како и дополнителни отворени простори во форма на тераси.

berlin3

Конструкцијата ќе се состои од бетонско јадро и основа, додека столбовите, гредите, подните плочи и другите елементи ќе бидат изработени од вкрстено ламинирано дрво – CLT. Бетонот е таму за понатамошна поддршка на стабилноста на конструкцијата да достигне висина од 98 метри. Проценетите трошоци за изградба се околу 90 милиони евра.

berlin4

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top